100-ден астам бос жұмыс орны ұсынылды

Сейсенбі, 06 Наурыз 2018 15:39
100-ден астам бос жұмыс орны ұсынылды

Астанадағы Қазақ технология және бизнес университетінде «Астана жастары Жастар ресурстық орталығының 20 қадамы» жобасының аясында бос орындар жәрмеңкесі өтті, деп хабарлайды елорда әкімдігінің ресми сайты.

«Астана жастары» жастар ресурстық орталығының ұйытқы болуымен өткен шара мақсаты – ЖОО мен ОКОО-ның түлектері, Астана қаласының жастары арасындағы жұмыссыздық деңгейін төмендету, еңбек жолын бастамақшы жастардың, тәжірибесі бар жас мамандарды өнімді жұмыспен қамту.

Бос орындар жәрмеңкесіне қаланың BI Group, Rocket project, Нұрбанк, «Самұрық-Қазына» корпоративтік университеті сияқты 30-дан астам жетекші компаниялары мен кәсіпорындары қатысты.

Жәрмеңкеде жұмыс іздеуші жас азаматтарға экономист, дизайнер, менеджер сынды 100-ден аса бос жұмыс орны ұсынылған болатын.

Жәрмеңке ұйымдастырушылары мұндай шаралардың жұмыс іздеп жүрген жас азаматтарға да, оқуын тәмамдағалы отырған түлектерге де тиер пайдасы зор екендігін атап өтеді.

«Бұл – елорда жастары үшін өздері қалаған салада бос жұмыс орындарын зерттеп, бірнеше жұмыс берушімен бір жерде тікелей сұхбаттаса алудың керемет мүмкіндігі.

Жәрмеңкені студенттер үшін өткізіп отырмыз. Қазақ технология және бизнес университетін де бекерден таңдаған жоқпыз. Себебі бүгін жұмыс берушілер ұсынып отырған бос жұмыс орындары ЖОО-да оқытылатын мамандықтарға сай келеді. Жәрмеңкеге қатысып отырған кәсіпкерлер көбіне ІТ технолог, дизайнер секілді мамандық иелерін іздеп келген. Осылайша студенттер еңбек нарығын тәжірибе жүзінде зерттеп, өзінің маман ретіндегі «бағасын» анықтай алады»,– дейді «Астана жастар» жастар ресурстық орталығы жұмыспен қамту бөлімінің басшысы Айдана Мұсатаева.

 

Айта кетейік, «Астана жастары Жастар ресурстық орталығының 20 қадамы» жобасы Астананың 20 жылдығын мерекелеу аясында әзірленген. 

245 рет оқылды

Сандар сөйлейді

  • 300-ге жуық

    Елордада ағза алмастыру кезегінде тұрған 297 науқастың үшеу бала, деп хабарлайды

  • 5 мың грант

    «Серпін-2050» бағдарламасы аясында 2017 жылға 5 мың грант бөлінеді

  • 25 пайыз

    Орман шаруашылығы саласы қызметкерлерінің еңбекақысы 25 пайызға көтеріледі

  • 5 мың жолаушы

    Елордада 5 мыңнан астам жолаушы түнгі № 200 бағдарын пайдаланды.

  • 150 кәсіби гид-экскурсовод

    ЭКСПО халықаралық көрмесіне 11 тілді еркін меңгерген 150 кәсіби гид-экскурсовод дайындалған

Мұрағат

« Сәуір 2018 »
Дс Сс Ср Бс Жм Сб. Жк
            1
2 3 4 5 6 7 8
9 10 11 12 13 14 15
16 17 18 19 20 21 22
23 24 25 26 27 28 29
30            
JoomShaper