Мемлекеттік сатып алулар саласында түйткіл көп - Астана кәсіпкерлері

Сәрсенбі, 22 Қараша 2017 17:38
Мемлекеттік сатып алулар саласында түйткіл көп - Астана кәсіпкерлері

Астана қаласының кәсіпкерлер палатасы Кәсіпкерлер құқығын қорғау және сыбайлас жемқорлыққа қарсы қарсы іс-қимыл кеңесі мемлекеттік сатып алуларды жүзеге асыруда орын алатын түйткілді мәселелерді талқылады, деп хабарлайды ҚазАқпарат тілшісі.

 

Астана қаласы кәсіпкерлер палатасының сарапшысы Серік Мұжықовтың айтуынша, елордалық кәсіпкерлер палатасына мемлекеттік сатып алуларды жүзеге асыру барысында мемлекеттік органдар мен оларға қарасты мекемелері тарапынан бұзушылықтар орын алғаны туралы кәсіпкерлер жиі шағымданады.

 

«2017 жылдың басынан бері кәсіпкерлер палатасына бизнесті қорғау бойынша 231 шағым түссе, оның 20 пайыздан астамы мемлекеттік сатып алуларды жүзеге асыруға байланысты. Мемлекеттік органдар мен оларға қарасты ұйымдар тарапынан кәсіпкерлердің өтінімдерін негізсіз қайтару, сатып алуларды жүзеге асыру тәртібін бұзу, байқау құжаттарына ережеде қарастырылмаған қосымша талаптар қою секілді бұзушылықтар анықталды», - дейді сарапшы.

 

Сондай-ақ, кеңес мүшелері кәсіпкерді мемлекеттік сатып алуларға қатысу құқығынан айыру мәселесінің де өзекті болып отырғанын атап өтті.

 

«ҚР «Мемлекеттік сатып алулар туралы» заңын бұзған жағдайда кәсіпкерлік субъектілері заңның 12-бабы, 6-бөліміне сәйкес, мемлекеттік сатып алулардың сенімсіз жеткізушісі тізіліміне 24 айға енгізіледі. Яғни, барлық заң бұзушы кәсіпкерлер жасаған кінәсі мен келтірген шығын көлеміне қарамастан, 24 айға «қара тізімге» енеді. Осы орайда қалалық кәсіпкерлер палатасы Мемлекеттік сатып алулардың сенімсіз жеткізушілері тізіліміне енгізу мерзімін кәсіпкердің жасаған айыбына, келтірілген шығынға қарай саралауды ұсынады», - дейді Астана кәсіпкерлер палатасы Кәсіпкерлер құқығын қорғау және сыбайлас жемқорлыққа қарсы қарсы іс-қимыл кеңесінің мүшесі, адвокат Болат Келдібеков.

 

Оның айтуынша, қолданыстағы заңнамада байқауды ұйымдастырушы Мемлекеттік сатып алулар комитетінің бұйрығымен кәсіпкердің өзіне хабар берместен, сенімсіз жеткізушілер тізіліміне енгізе алады.

 

«Мұны кәсіпкер дер уағында білмейді және шешімге қарсы шағымдану мерзімін өткізіп алады. Салдарынан өткізіп алған мерзімді қалпына келтіру үшін ұзақ процедуралар жүргізіледі. Осыған байланысты, кәсіпкерді мемлекеттік сатып алулар жүйесіне қатысу құқығынан айыру жазасы сот шешімімен ғана орындалуы тиіс», - деп ұсыныс білдірді Болат Келдібеков.

 

Сонымен бірге, Астана қалалық кәсіпкерлер палатасы директорының құқықтық мәселелер жөніндегі орынбасары Бауыржан Бейсенов кәсіпкерлердің мемлекеттік сатып алулар жүйесін жетік білмейтінін баса айтты.

 

«Көптеген кәсіпкерлер мемлекеттік сатып алулар жүйесін жетік білмейді. Бұдан мемлекеттік органдар да, кәсіпкерлер де зардап шегуде. Осы орайда, Астана кәсіпкерлер палатасы бизнес өкілдері үшін мемлекеттік сатып алуларды жүзеге асырудағы нормаларды түсіндіретін және құқықтық сауаттылықты арттыратын семинарлар мен тренингтерді тұрақты түрде өткізіп тұруға дайын», - деп өз сөзін түйіндеді Б.Бейсенов.

Дереккөзі: alashainasy.kz

356 рет оқылды
comments powered by HyperComments

Сандар сөйлейді

  • 300-ге жуық

    Елордада ағза алмастыру кезегінде тұрған 297 науқастың үшеу бала, деп хабарлайды

  • 5 мың грант

    «Серпін-2050» бағдарламасы аясында 2017 жылға 5 мың грант бөлінеді

  • 25 пайыз

    Орман шаруашылығы саласы қызметкерлерінің еңбекақысы 25 пайызға көтеріледі

  • 5 мың жолаушы

    Елордада 5 мыңнан астам жолаушы түнгі № 200 бағдарын пайдаланды.

  • 150 кәсіби гид-экскурсовод

    ЭКСПО халықаралық көрмесіне 11 тілді еркін меңгерген 150 кәсіби гид-экскурсовод дайындалған

Мұрағат

« Желтоқсан 2017 »
Дс Сс Ср Бс Жм Сб. Жк
        1 2 3
4 5 6 7 8 9 10
11 12 13 14 15 16 17
18 19 20 21 22 23 24
25 26 27 28 29 30 31
JoomShaper